ايتها السحـــالي وايها التمـــاسيــح،،هذي قوانينكم الجديده وياليت تتقيدون بهنـ

السلام عليكم ورحمه الله وبركاته

أخواني وأخواتي كتّاب منتدى الصرقعه والنصب ارجو من الجميع التقيد بهذه الشروط قبل الشروع في الكتابه


أولاً : يمنع منعاً باتاً ذكر الكعبة المشرفة والمساجد الشريفة او احد الاديان او المذاهب بأي شكل يقلل من هيبتها ومكانتها .

ثانياً : يجب أن تراعي في كتابتك للموضوع عدم التجريح في الكلام لأي عضو آخر بأي شكل من الأشكال .

ثالثاً :عدم استخدام الألفاظ النابية أو الغير لائقة . ( هذا منتدى مهوب حراج )

رابعاً : هذا منتدى للرجة وليس محل تعارف .

خامساً : أعيد وأكرر هذا يا جماعة الخير منتدى للهبال مهوب ملاهي الحكير ... يعني ما نبي مواضيع مافيها هبال .

سادسآ : يمنع قلب المواضيع شات ... يعني هذا يفتح موضوع ثم يجي عضو يقول كيف الحال يابو فلان .. ويرد عليه الثاني الله يسلمك ... ثم تجي فلانه وتقول وش طبختوا ؟ وترد عليها رفيقتها ابد مكرونه بالملوخية ( يلعن ام الطعم اللي بيطلع ) ثم ترد الثانية لااااااااه ؟ ورى ما علمتيني ؟
اي موضوع بينقلب شات .. سوف يمحط به


سابعأ : يمنع منعا باتا مفعم برائحة شجرة الصنوبر تحت اي سقف او ظرف من الظروف البريدية ذكر أسماء القبائل باي شكل من الأشكال لا بمدح ولا بذم ولا بتنكيت.
يجي واحد يقول:

يقلك واحد ؟؟؟؟؟ يبغى يتعلم ربط الكرفته مات مخنوق
نيجي حنا نقول له طيب ورى ما يطلع رخصة ثانية( يعني بنهستر به لين ما يعرف ان الله حق )
ثامنأ : أي موضوع مكرر سوف يتم نقله لمحذوفات والزعل مرفووووووووووووووض عندنا .


تاسعأ : أي اعتراض أو نقد يتم من خلال مراسلة المدير العام او المشرف على المنتدى واللي هو انا غير كذا سوف يتم حذف الموضوع وإنذار العضو من خلال رسالة خاصة وإذا كرر ذلك سوف يتم ابلاغ ادارة الموقع باسم هذا العضو وسوف يتم تجميد عضويته .

عاشر : ( أدري انها بدون اً بس علشان الوزن) يمنع الدعاية لأي منتدى آخر بأي شكل من الأشكال وأي مشاركة يذكر فيها دعاية لمنتدى آخر تحذف المشاركة .

ترى علمناكم لا تقولون ما ندري



توضيح /



يمكن تكون قراراتنا جائرة على بعضكم لكن كل هذا في سبيل الرقي بهذا المنتدى وحتى نعطي فرصة أكبر للمواضيع الجيدة اللي فيها ابداع .




تـــــنــــــبـــــــــيــــــــه
للــــــــعـــــــمـــــــــوم



على كل عضو الالتزام بعدم طرح أكثر من موضوع واحد في اليوم الواحد